بابر اعظم نے انٹرنیشنل کرکٹ میں ایک بڑا سنگ میل عبور کرلیا

راولپنڈی:ویب ڈیسک

قومی کرکٹ ٹیم کے مایہ ناز بیٹر بابر اعظم نے انٹرنیشنل کرکٹ میں ایک اور بڑا سنگ میل عبور کرتے ہوئے اپنے کیریئر کے شاندار ریکارڈ میں ایک اور باب کا اضافہ کر لیا ہے۔راولپنڈی کرکٹ اسٹیڈیم میں کھیلے جانے والے میچ کے دوران بابر اعظم نے یہ اہم سنگ میل عبور کیا۔ اس کے ساتھ ہی وہ بین الاقوامی کرکٹ میں مجموعی طور پر 16 ہزار سے زائد رنز بنانے والے پانچویں پاکستانی بلے باز بن گئے ہیں۔32 سالہ بابر اعظم اب تک بین الاقوامی کرکٹ میں مجموعی طور پر 16,038 رنز اسکور کر چکے ہیں۔ ان کے کیریئر کے فارمیٹ وائز اعداد و شمار درج ذیل ہیں:

• ٹیسٹ میچز: 66 میچز میں 4,771 رنز

• ون ڈے میچز: 144 میچز میں 6,671 رنز

• ٹی ٹوئنٹی انٹرنیشنلز: 145 میچز میں 4,596 رنز

اس کے علاوہ بابر اعظم تینوں فارمیٹس کو ملا کر اب تک 32 انٹرنیشنل سنچریاں اور 111 نصف سنچریاں بھی اپنے نام کر چکے ہیں۔واضح رہے کہ پاکستان کی جانب سے بین الاقوامی کرکٹ میں سب سے زیادہ رنز بنانے کا اعزاز لیجنڈری بیٹر انضمام الحق کے پاس ہے، جنہوں نے 495 میچوں میں 20,541 رنز بنائے، جبکہ سابق کپتان یونس خان 408 میچوں میں 17,790 رنز کے ساتھ دوسرے نمبر پر موجود ہیں۔