سیالکوٹ (سلیم احمد اعوان شیخو)
ڈسکہ میں ‘ستھرا پنجاب’ کے ملازمین نے گزشتہ کئی ماہ سے تنخواہیں نہ ملنے پر شدید احتجاج کرتے ہوئے صوبائی وزیر بلدیات پنجاب ذیشان رفیق کے دفتر کا گھیراؤ کیا۔
تفصیلات کے مطابق، صوبائی وزیر بلدیات ذیشان رفیق اپنے ڈسکہ دفتر میں موجود تھے کہ ‘ستھرا پنجاب’ کے ملازمین نے تنخواہوں کی عدم ادائیگی کے خلاف احتجاجی جلوس نکالا اور وزیر کے دفتر پر ہلہ بول دیا۔
احتجاج کے دوران ملازمین اور صوبائی وزیر کے درمیان سخت تلخ کلامی ہوئی۔ ملازمین نے فی الفور تمام واجب الادا تنخواہوں کی ادائیگی کا مطالبات پیش کیا۔ تاہم، صوبائی وزیر کی جانب سے کوئی تسلی بخش جواب نہ ملنے پر ملازمین نے شدید برہمی کا اظہار کیا۔
مظاہرین نے انتباہ جاری کرتے ہوئے کہا کہ اگر ان کی تنخواہیں فوری ادا نہ کی گئیں تو وہ ڈسکہ شہر میں صفائی کے بجائے گندگی پھیلائیں گے اور کام کا مکمل بائیکاٹ کریں گے۔