ایک ہی رنگ کے سوٹ اور ٹائی، صدر ٹرمپ اور شی جن پنگ کی ڈریسنگ میں کیا سفارتی پیغام ہے؟

واشنگٹن ڈی سی :ڈونلڈ ٹرمپ اور شی جن پنگ کے ملبوسات نے توجہ حاصل کر لی اور دونوں کے لباس کے رنگ اور ہم آہنگی پر سوالات اٹھ گئے۔
ٹرمپ اور شی کی اس ملاقات کا سب سے نمایاں پہلو لباس کی زبردست ہم آہنگی تھی جہاں دونوں صدور نے سیاہ رنگ کے رسمی سوٹ کے ساتھ جامنی رنگ کی ایک جیسی ٹائیوں کے انتخاب کا فیصلہ کر رکھا تھا۔ سفارت کاری کی زبان میں اس طرح کی ایک ہی جیسی پیشکش شاذ و نادر ہی اتفاقی ہوتی ہے کیونکہ اسے موافقت کے اظہار، باہمی احترام کو ظاہر کرنے اور فریقین کے درمیان اعتماد کی بحالی کی خواہش کی توثیق کے لیے استعمال کیا جاتا ہے۔