بولاوایو: جنوبی افریقہ کی خواتین کرکٹ ٹیم نے 5 ٹی 20 میچوں کی سیریز کے آخری اور پانچویں مقابلے میں زمبابوے کو سنسنی خیز مقابلے کے بعد 13 رنز سے شکست دے کر سیریز میں 0-5 سے وائٹ واش (کلین سویپ) کر دیا ہے۔
کوئینز اسپورٹس کلب میں کھیلے گئے میچ میں جنوبی افریقہ نے ٹاس جیت کر پہلے بیٹنگ کا فیصلہ کیا۔ جنوبی افریقہ کی ٹیم نے مقررہ 20 اوورز میں 6 وکٹوں کے نقصان پر 164 رنز بنائے۔ جنوبی افریقہ کی جانب سے کائلا رینیکے نے 34، این بوش نے 33 اور میانے سمیٹ نے 30 رنز بنائے، جبکہ فائی ٹونیکلیف نے صرف 13 گیندوں پر 25 رنز کی تیز رفتار اننگز کھیلی۔ زمبابوے کی طرف سے مچیل ماونگا نے 3 وکٹیں حاصل کیں۔