اس موقع پر ملکی و علاقائی سیاسی صورتحال سمیت باہمی دلچسپی کے امور پر بھی تبادلہ خیال کیا گیا
خوشاب (راجہ نورالہی عاطف سے)
پاکستان مسلم لیگ ن ضلع خوشاب کے صدر و سابق سینیٹر ڈاکٹر غوث محمد خان نیازی نے پاکستان مسلم لیگ ن ہاؤس جوہرآباد میں دوست احباب اور پارٹی رہنماؤں سے خصوصی ملاقات کی۔ اس موقع پر ملکی و علاقائی سیاسی صورتحال سمیت باہمی دلچسپی کے امور پر بھی تبادلہ خیال کیا گیا۔
ملاقات کے دوران ڈاکٹر غوث محمد خان نیازی، پاکستان مسلم لیگ ن ضلع خوشاب کے رہنماؤں ایڈووکیٹ چوہدری ارشد محمود، ملک ظل مبشر اور دیگر نے پاکستان مسلم لیگ ن ضلع خوشاب کے رہنما ملک محمد شہباز برھان کو عمرہ کی سعادت حاصل کرنے پر دلی مبارکباد پیش کی اور ان کے لیے نیک خواہشات کا اظہار کیا۔
اس موقع پر شرکاء نے کہا کہ عمرہ کی سعادت ایک عظیم روحانی اعزاز ہے، اللہ تعالیٰ ملک محمد شہباز برھان کی عبادات اور حاضری کو شرفِ قبولیت عطا فرمائے ۔ ملاقات خوشگوار ماحول میں ہوئی، جس میں پارٹی رہنماؤں اور دوست احباب نے باہمی روابط کو مزید مضبوط بنانے کے عزم کا اظہار بھی کیا۔