منشیات فروشوں سے بھاری مقدار میں منشیات برآمد

سیالکوٹ (سلیم احمد اعوان ھشیخو)پولیس نے منشیات فروشوں سے بھاری مقدار میں منشیات برآمد کر لیں۔بتایا گیا ہے کہ ڈسٹرکٹ پولیس آفیسر سیالکوٹ کیپٹن (ر) دوست محمد کی خصوصی ہدایات پر عملدرآمد کرتے ہوئے معاشرے کے ناسور منشیات فروشوں کے خلاف جاری کریک ڈاون کے دوران تھانہ حاجی پورہ پولیس نے بدنام زمانہ اینٹی نارکوٹکس فورس کو مطلوب سابق ریکارڈ یافتہ منشیات فروش ملزم محمد عمران ولد عبدالمجید کو گرفتار کرکے اس کے قبضے سے 5 کلو 400 گرام چرس، 300 گرام آئس اور 120 گرام ہیروئن برآمد کر لی ہے۔
ابتدائی تفتیش کے دوران محمد عمران نے بتایا کہ وہ پشاور سے منشیات منگوا کر آن لائن رابطوں کے ذریعے آرڈرز وصول کرتا اور ڈلیوری بوائز کی مدد سے سیالکوٹ کے مختلف علاقوں میں سپلائی کرتا تھا جبکہ محمد عمران اینٹی نارکوٹکس فورس کو مطلوب ہے اور سابق ریکارڈ یافتہ ہے جس کی گرفتاری سے نہ صرف بین الصوبائی سپلائی چین کو توڑا گیا ہے بلکہ اس مکروہ دھندے میں ملوث دیگر افراد ، سپلائرز اور ڈلیوری نیٹ ورک کی گرفتاری میں بھی مدد ملے گی جبکہ محمد عمران کے خلاف تھانہ حاجی پورہ میں مقدمہ درج کرکے مزید تفتیش شروع کردی گئی ہے۔ڈسٹرکٹ پولیس آفیسر سیالکوٹ کیپٹن (ر) دوست محمد کا کہنا ہے کہ سیالکوٹ پولیس منشیات کے مکروہ دھندے میں ملوث عناصر کو قانون کی گرفت میں لاکر نوجوان نسل کا مستقبل محفوظ بنانے کے لئے بھرپور عزم کے ساتھ کوشاں ہے ۔