مٹیاری رپورٹ عامر علی انڑ
مٹیاری کی تعصیل ہالا میں مری اتحاد مٹیاری کے رہنما لال خان مری کی قیادت میں مری برادری نے پیاز کے بیج کے تاجر محمد حسن مگسی کے خلاف ہالا پریس کلب کے سامنے احتجاجی مظاہرہ کیا۔ اس موقع پر لال خان مری نے میڈیا سے گفتگو کرتے ہوئے کہا کہ بھٹ شاہ موری کے رہائشی محمد حسن مگسی سے ڈیل ہوئی تھی جس کے لیے انہوں نے ایڈوانس رقم بھی ادا کی تھی تاہم بعد ازاں بیج کی قیمت بڑھنے پر وہ اپنی بات پر پھر گئے اور بیج دینے سے انکار کر دیا۔ لال خان مری نے الزام لگایا کہ محمد حسن مگسی نے ان کے خلاف 22-AB کے تحت عدالت میں درخواست دائر کی تھی تاہم عدالت نے اس درخواست پر کارروائی کرتے ہوئے ان کے خلاف ایف آئی آر درج کرنے کا حکم جاری کر دیا ہے۔ جبکہ محمد حسن مگسی میڈیا کے ذریعے میرے خلاف جھوٹے اور بے بنیاد بیانات دے رہے ہیں جو کہ بالکل درست نہیں، ان کا مزید کہنا تھا کہ محمد حسن مگسی نے کئی دکانداروں اور تاجروں کو دھوکہ دیا ہے۔ انہوں نے ایس ایس پی مٹیاری اور ڈی ایس پی ہالا سمیت اعلیٰ حکام سے مطالبہ کیا کہ عدالتی حکم کی روشنی میں محمد حسن مگسی کے خلاف فوری طور پر مقدمہ درج کرکے اسے انصاف فراہم کیا جائے۔