پراگ: چیک جمہوریہ کے ریڈیو پراگ کی رپورٹ کے مطابق چیک جمہوریہ میں پہلی بار گذشتہ روز ہفتے کے روز دنیا کا مہنگا ترین ڈاک ٹکٹ دیگر نایاب نمائشوں کے ساتھ نمائش کے لیے پیش کیا گیا۔
جنوبی امریکہ کے شمالی ساحل پر واقع برطانوی گیانا میں سنہ 1856ء میں جاری ہونے والے منفرد "ون سینٹ مجینٹا” نامی ڈاک ٹکٹ کی قیمت پچیس کروڑ سے زیادہ چیک کرونا یعنی تقریبا بارہ ملین امریکی ڈالر لگائی گئی ہے۔
اس ٹکٹ کو پراگ کے ٹاؤن ہال میں "دنیا کے ڈاک ٹکٹ جمع کرنے والوں کے خزانے” کی نمائش کے مرکزی حصے کے طور پر پیش کیا جا رہا ہے جبکہ دیگر نایاب نمائشوں میں مشہور امریکی "انورٹڈ جینی” ڈاک ٹکٹ اور سنہ اٹھارہ سو چالیس کا "پینی بلیک” ڈاک ٹکٹ کا بارہ ٹکٹوں پر مشتمل ایک بینڈ بھی شامل ہے۔
منتظمین کے تخمینے کے مطابق نمائش میں رکھی گئی اشیاء کی کل مالیت تقریباً ایک ارب چیک کرونا لگائی گئی ہے اور یہ نمائش آنے والی چھ ستمبر تک جاری رہے گی۔
