نوابشاہ (رپورٹ: نفیس آرائیں) مبینہ پولیس مقابلے میں زخمی ہونے والے شخص نے سٹی انچارج پولیس قربان علی لاکھو پر سنگین الزامات عائد کرتے ہوئے اسپتال میں مبینہ طور پر نازیبا الفاظ کا استعمال، ہتھاپائی اور جان سے مارنے کی دھمکیاں ۔
زخمی شخص کا دعویٰ ہے کہ اسے پولیس مقابلے کے دوران گولی نہیں لگی، بلکہ گرفتاری کے بعد مبینہ طور پر جعلی مقابلہ ظاہر کرتے ہوئے ٹانگ میں گولی ماری گئی۔ اس نے سٹی انچارج قربان علی لاکھو پر تشدد اور جان سے مارنے کی مبینہ دھمکیاں دینے کا بھی الزام عائد کیا۔
زخمی شخص نے مطالبہ کیا کہ واقعے کی غیر جانب دارانہ تحقیقات کر کے حقائق سامنے لائے جائیں۔
دوسری جانب مذکورہ الزامات کی آزادانہ طور پر فوری تصدیق نہیں ہو سکی، جبکہ پولیس کا مؤقف سامنے آنے کے بعد معاملے کی مزید صورتِ حال واضح ہو سکے گی۔