عید میلاد النبی پر لاہور سمیت پنجاب بھر کے تمام تھیٹر ، سینما گھر بند رہیں گے

لاہور:عید میلاد النبی صلی اللہ علیہ وآلہ وسلم کے بابرکت اور مقدس دن کے احترام کے پیش نظر لاہور سمیت پنجاب بھر میں تمام تھیٹر ہالز اور سینما گھر بند رکھنے کا فیصلہ کیا گیا ہے۔ اس حوالے سے پنجاب کونسل آف دی آرٹس نے باضابطہ طور پر نوٹیفیکیشن جاری کر دیا ہے۔
جاری کردہ ہدایات کے مطابق 26 اگست کو عید میلاد النبی کے موقع پر صوبہ بھر کے کسی بھی تھیٹر ہال میں کوئی بھی ڈراما، اسٹیج شو یا تفریحی سرگرمی پیش نہیں کی جائے گی۔ انتظامیہ کی جانب سے واضح کیا گیا ہے کہ اس بابرکت دن کی مناسبت سے تھیٹروں کے ساتھ ساتھ سینما گھر بھی مکمل طور پر بند رہیں گے۔