سکھر ( رپورٹ/عبد الرحمان راجپوت )
سکھر راجپوت برادری اتحاد پاکستان کے دفتر میں ایک اہم اجلاس منعقد کیا گیا، جس میں برادری کے اتحاد، باہمی امن و امان، بھائی چارے اور برادری کے اجتماعی معاملات کے حوالے سے تفصیلی گفتگو کی گئی۔ اجلاس میں برادری کے مختلف افراد نے بھرپور شرکت کرتے ہوئے اپنی قیمتی آراء اور تجاویز پیش کیںاجلاس کے دوران اس بات پر خصوصی زور دیا گیا کہ راجپوت برادری کے تمام افراد آپس میں اتحاد، محبت، اخوت اور بھائی چارے کو فروغ دیں اور برادری کے اجتماعی مفاد کے لیے مل جل کر اپنا مثبت کردار ادا کریں۔ شرکاء نے امن و امان کے قیام، باہمی اختلافات کو افہام و تفہیم سے حل کرنے اور نوجوان نسل کو مثبت سرگرمیوں کی جانب راغب کرنے کے حوالے سے بھی اپنی تجاویز پیش کیں۔اس موقع پر برادری کے معزز عہدیداران، بزرگوں، نوجوانوں اور بچوں سمیت بڑی تعداد میں راجپوت برادری کے افراد نے شرکت کی۔ اجلاس میں بزرگوں کی رہنمائی اور نوجوانوں کے جوش و جذبے کو برادری کے لیے ایک مثبت قوت قرار دیا گیا، جبکہ شرکاء نے اس عزم کا اظہار کیا کہ راجپوت برادری اتحاد پاکستان کے پلیٹ فارم کو مزید مضبوط اور فعال بنایا جائے گا۔اجلاس میں موجود برادری کے افراد سے مختلف امور پر باقاعدہ رائے بھی لی گئی تاکہ آئندہ کے لائحہ عمل میں برادری کے زیادہ سے زیادہ افراد کی مشاورت شامل کی جا سکے۔ شرکاء نے اتحاد کے فروغ اور برادری کے اجتماعی مسائل کے حل کے لیے ہر ممکن تعاون کی یقین دہانی کرائی۔آخر میں برادری کے اتحاد، امن و سلامتی، خوشحالی اور تمام اہلِ برادری کی کامیابی کے لیے خصوصی دعا کی گئی۔ شرکاء نے اس عزم کا اظہار کیا کہ راجپوت برادری اتحاد پاکستان کے پلیٹ فارم سے محبت، بھائی چارے، خدمت اور باہمی اتحاد کا پیغام مزید مضبوط انداز میں آگے بڑھایا جائے گا۔