جیکب آباد رپورٹ مجیب کھوسو
جیکب آباد میں پولیس اہلکار محبوب جکھرانی کی گھر کے اندر سے گولی لگی لاش برآمد ہونے کے بعد علاقے میں خوف و ہراس اور تشویش کی فضا پیدا ہوگئی، جبکہ واقعہ قتل ہے یا خودکشی، اس حوالے سے تاحال کوئی حتمی بات سامنے نہیں آسکی۔
تفصیلات کے مطابق پولیس اہلکار محبوب جکھرانی کی گولی لگی لاش ان کے گھر سے ملی، جس کی اطلاع پر پولیس موقع پر پہنچ گئی اور واقعے کی تحقیقات شروع کردی گئیں۔ ورثاء کا کہنا ہے کہ ان کی کسی کے ساتھ کوئی دشمنی یا تنازع نہیں تھا، جس کے باعث واقعے کی نوعیت مزید مشکوک ہوگئی ہے۔
پولیس حکام کے مطابق واقعے کی ہر پہلو سے تحقیقات کی جارہی ہیں اور تفتیش مکمل ہونے کے بعد ہی یہ واضح ہوسکے گا کہ پولیس اہلکار کو قتل کیا گیا یا انہوں نے خودکشی کی۔ پولیس نے شواہد اکٹھے کرنے اور متعلقہ افراد کے بیانات قلمبند کرنے کا عمل بھی شروع کردیا ہے۔
