”ایک ذرا سے رقص پر بھی دنیا خوش نہیں رہنے دیتی،“ جسٹن ٹروڈ اور کیٹی پیری پر پھر تنقید

اونٹاریو:کینیڈا کے سابق وزیراعظم جسٹن ٹروڈو اور امریکی گلوکارہ کیٹی پیری نے ایک بار پھر تنازع کھڑا کر دیا ہے جہاں وہ کینیڈا کے شہر مونٹریال میں گھریلو سامان کے ایک سٹور کی راہداریوں میں ڈانس کرتے ہوئے نظر آئے۔
سوشل میڈیا پر وائرل ہونے والی اس نئی ویڈیو نے ہنگامہ کھڑا دیا ہے۔ سابق وزیراعظم کے بیٹے زیویئر ٹروڈو نے یہ ویڈیو اتوار کے روز اپنے "انسٹاگرام” اکاؤنٹ پر شیئر کی جسے تقریباً 5 لاکھ مرتبہ دیکھا جا چکا ہے۔
ویڈیو میں ٹروڈو دھوپ کا چشمہ، جینز کی پتلون اور سفید قمیض پہنے ہوئے ہیں۔ وہ ٹوائلٹ صاف کرنے والے ایک آلے کا استعمال کرتے ہوئے ڈانس کرتے ہوئے نظر آ رہے ہیں۔ ان کے بیٹے کا گانا ’’ ڈاؤن ٹاؤن ‘‘ سٹور کے اندر چل رہا تھا۔
ٹروڈو نے ویڈیو کے آغاز میں کہا کہ ہم سینٹ لارنس سٹریٹ پر ہوم ہارڈویئر سٹور میں ہیں۔ اس کے بعد وہ گانے کے ساتھ گانا شروع کرتے ہیں۔ دوسری طرف کاٹی پیری، جو بظاہر ویڈیو شوٹ کر رہی تھیں، پرجوش انداز میں ڈانس کرتی نظر آئیں۔ وہ موسیقی کی دھنوں پر اپنا سر ہلاتے ہوئے اور چھلانگیں لگاتے ہوئے دکھائی دیں۔

Former Canadian Prime Minister Justin Trudeau and pop star Katy Perry dance in a Montreal Home Hardware store as Trudeau’s 18-year-old son Xav’s song “Downtown” plays on the radio. pic.twitter.com/cXWDdXmJ6O

— Al Arabiya English (@AlArabiya_Eng) August 19, 2026

دریں اثنا سابق وزیراعظم کے بیٹے کے اکاؤنٹ کے بہت سے فالوورز کی جانب سے اس ویڈیو کلپ پرشدید تنقید کی گئی۔ ویڈیو پر ہونے والے تبصروں کی تعداد 10 ہزار تک پہنچ گئی۔
ایک شخص نے لکھا کہ "دنیا اب ہم پر ہنس رہی ہے”، دوسروں نے اس منظر کو "مزاحیہ” قرار دیا۔ سامان کے سٹور میں کاٹی پیری کے ساتھ گاتے ہوئے ٹروڈو کا اس طرح ظاہر ہونا اپنی نوعیت کا پہلا واقعہ نہیں تھا کیونکہ وہ اس سے قبل جولائی 2025 میں مونٹریال میں ان کے کنسرٹ کے شائقین کے درمیان نظر آئے تھے۔