جیکب آباد ( رپورٹ :مجیب الرحمان)
پولیس مقابلہ، ایک ملزم زخمی حالت میں گرفتار، اسلحہ برآمد۔ تفصیلات کے مطابق جیکب آباد کے مولاداد تھانہ کی حدود چنڈ شاخ کے قریب پولیس اور جرائم پیشہ افراد کے درمیان مبینہ مقابلہ ہوا جس کے نتیجے میں پولیس نے ایک ملزم کو زخمی حالت میں گرفتار کرنے کا دعویٰ کیا ہے، پولیس ترجمان کے مطابق گرفتار ملزم کی شناخت علی بخش کے نام سے ہوئی ہے، ملزم کے قبضے سے ایک بغیر لائسنس ٹی ٹی پستول برآمد کیا گیا ہے، پولیس کے مطابق مقابلے کے دوران گرفتار ملزم کے چار دیگر ساتھی موقع سے فرار ہوگئے جن کی گرفتاری کے لیے پولیس نے تعاقب کرتے ہوئے مختلف مقامات پر چھاپے مارے جارہے ہیں، زخمی ملزم کو طبی امداد کے لیے سول اسپتال منتقل کردیا گیا۔