میاں چنوں بینقاب نیوز رپورٹر عاصم کمال
میاں چنوں میں جشن آزادی کے سلسلے میں مرکزی تقریب میونسپل کمیٹی کے سبزہ زار میں منعقد ہوئی، جس میں پنجاب پولیس، ریسکیو 1122 اور آرمی پبلک سکول کے طلباء و طالبات نے شاندار سلامی پیش کی۔تقریب کے موقع پر مہمانانِ گرامی نے قومی پرچم لہرایا، جبکہ ملک و قوم کی سلامتی، ترقی اور خوشحالی کے لئے خصوصی دعائیں بھی کی گئیں۔تقریب میں ڈی ایس پی محمود اکبر، سیاسی و مذہبی شخصیات، ریسکیو 1122، پنجاب پولیس، ٹریفک پولیس، میونسپل کمیٹی کے افسران، آرمی پبلک سکول کے طلباء و طالبات سمیت شہریوں کی بڑی تعداد نے شرکت کی۔شرکاء نے پاکستان کی آزادی کی خوشی کا اظہار کرتے ہوئے وطن عزیز سے محبت اور قومی یکجہتی کے عزم کا اعادہ کیا۔