خوشاب/سرگودھا (راجہ نورالہی عاطف سے)
نائب صدر ڈسٹرکٹ بار سرگودھا سعدیہ ہما شیخ ایڈووکیٹ ہائی کورٹ نے ملک حذیمہ کی جانب سے جھمال ویلفیئر ٹرسٹ کے پلیٹ فارم سے رفاہِ عامہ، خدمتِ خلق اور معاشرے کی بہتری کے لیے کی جانے والی مخلصانہ کاوشوں کو سراہتے ہوئے انہیں خراجِ تحسین پیش کیا ہے۔اپنے بیان میں سعدیہ ہماء شیخ ایڈووکیٹ نے کہا کہ ملک حذیمہ کی بے لوث خدمات اور فلاحی سرگرمیاں قابلِ قدر ہیں۔ دکھی انسانیت کی خدمت، ضرورت مند افراد کی معاونت اور معاشرے کی بہتری کے لیے عملی اقدامات ایک مثبت اور قابلِ تقلید مثال ہیں۔ جھمال ویلفیئر ٹرسٹ کے ذریعے فلاحی سرگرمیوں کا فروغ معاشرے میں انسان دوستی، باہمی تعاون اور احساسِ ذمہ داری کو اجاگر کرتا ہے۔ ایسے افراد اور ادارے معاشرے کے محروم طبقات کے لیے امید کی کرن ثابت ہوتے ہیں۔ اللہ تعالیٰ ملک حذیمہ کی فلاحی و سماجی خدمات کو شرفِ قبولیت عطا فرمائے، انہیں مزید نیک کام کرنے کی توفیق دے اور ان کی کاوشوں کو معاشرے کے لیے مزید فائدہ مند بنائے۔ انسانیت کی بے لوث خدمت ہی ایک مہذب اور مثالی معاشرے کی بنیاد ہے۔