ہنگورجا: رپورٹ فیاض محسن سولنگی
ہنگورجا کے رہائشی اور پی پی ایچ آئی کے ملازم رضوان احمد سولنگی نے مبینہ طور پر روہڑی کینال میں چھلانگ لگا کر اپنی زندگی کا خاتمہ کرلیا۔ واقعے کے بعد ان کی لاش کی تلاش کے لیے ریسکیو آپریشن جاری ہے۔پولیس کے مطابق ہنگورجا کے رہائشی رضوان احمد سولنگی نے مبینہ طور پر روہڑی کینال میں چھلانگ لگائی، جس کے بعد وہ کینال کے گہرے پانی میں ڈوب گئے۔ واقعے کی اطلاع ملنے پر مقامی افراد اور پولیس نے لاش کی تلاش شروع کردیذرائع اور اہلِ خانہ کے مطابق رضوان احمد سولنگی گزشتہ کچھ عرصے سے مختلف پریشانیوں کا شکار تھے، جس کے باعث انہوں نے مبینہ طور پر انتہائی قدم اٹھایا، تاہم ان کی جانب سے ایسا قدم اٹھانے کی حتمی وجہ تاحال سامنے نہیں آسکیواقعے کی اطلاع ملنے پر اسسٹنٹ کمشنر سوڀوديرو کی جانب سے روہڑی کینال میں ڈوبنے والے رضوان احمد سولنگی کی لاش کی تلاش اور ریسکیو آپریشن کے لیے ریسکیو ٹیمیں طلب کی گئیںریسکیو اہلکاروں کی جانب سے کینال کے مختلف مقامات پر سرچ آپریشن جاری ہے، جبکہ مقامی افراد اور رضوان احمد سولنگی کے اہلِ خانہ بھی جائے وقوعہ پر موجود ہیں اور اپنے پیارے کی لاش ملنے کے منتظر ہیں۔
اہلِ خانہ کا کہنا ہے کہ رضوان احمد سولنگی گزشتہ کافی عرصے سے ذہنی اور مختلف پریشانیوں کا شکار تھے، تاہم انہوں نے مبینہ طور پر روہڑی کینال میں چھلانگ کیوں لگائی، اس حوالے سے مزید تفصیلات سامنے نہیں آسکیں۔
دوسری جانب پولیس کا کہنا ہے کہ واقعے کی مختلف پہلوؤں سے تحقیقات کی جارہی ہیں۔ لاش ملنے کے بعد ضروری قانونی کارروائی، پوسٹ مارٹم اور دیگر مراحل مکمل کیے جائیں گے۔
پولیس کے مطابق مکمل تحقیقات کے دوران اگر کسی شخص کے ملوث ہونے کے شواہد سامنے آئے تو قانون کے مطابق کارروائی عمل میں لائی جائے گی۔ انتظامیہ نے رضوان احمد سولنگی کے اہلِ خانہ کو ہر ممکن تعاون فراہم کرنے کی یقین دہانی کرائی ہے، جبکہ کینال میں لاش کی تلاش کا آپریشن تاحال جاری ہے۔