عمرکوٹ رپورٹ بیوروچیف ڈاکٹر ایم لال
سامارو: چکی مالکان کی ہڑتال، شہری پریشان – "2800 روپے من خریدی گئی گندم کہاں گئی؟”تفصیلاتسامارو: تحصیل سامارو میں آٹے کے بحران اور قیمتوں میں اضافے کے خلاف چکی مالکان نے ہڑتال کر دی ہے جس سے شہریوں کو شدید مشکلات کا سامنا کرنا پڑ رہا ہے۔شہریوں کا کہنا ہے کہ چکی مالکان کی جانب سے ہڑتال کی اصل وجہ سامنے لائی جائے۔ مقامی مکینوں کا سوال ہے کہ چکی مالکان نے جو گندم 2800 روپے فی من کے حساب سے خریدی تھی وہ کہاں گئی؟ اگر وہ گندم منظر عام پر لائی جائے تو پورا آٹے کا بحران ختم ہو سکتا ہےشہریوں نے الزام عائد کیا کہ گندم کی مصنوعی قلت پیدا کر کے مارکیٹ میں آٹے کی قیمت بڑھائی جا رہی ہے۔ انہوں نے ضلعی انتظامیہ اور محکمہ فوڈ سے مطالبہ کیا کہ وہ فوری طور پر چکی مالکان کے گوداموں کی چیکنگ کروائیں اور ذخیرہ شدہ گندم کو برآمد کر کے مارکیٹ میں سپلائی یقینی بنائیں۔شہریوں کا مزید کہنا تھا کہ اگر ہڑتال ختم نہ کی گئی اور گندم ظاہر نہ کی گئی تو وہ احتجاج پر مجبور ہوں گے۔انتظامیہ کی جانب سے تاحال کوئی مؤقف سامنے نہیں آیا۔