شیخوپورہ (اسامہ طفیل سے)
فیروزوالہ کی پٹھان کالونی میں افسوسناک حادثہ پیش آیا، جہاں ریلوے لائن کے قریب گہرے پانی میں نہاتے ہوئے دو بچے ڈوب گئے جاں بحق ہونے والوں میں 15 سالہ دانیال ولد شہزاد خان اور 13 سالہ نعمان ولد اویس شامل ہیں، جو پٹھان کالونی کے رہائشی تھے اطلاع ملتے ہی ریسکیو 1122 کی ٹیم موقع پر پہنچی اور دونوں بچوں کو نکال کر فوری طور پر ٹی ایچ کیو اسپتال فیروزوالہ منتقل کیا، جہاں ڈاکٹرز نے دونوں کی موت کی تصدیق کر دی۔واقعے کے بعد علاقے میں کہرام مچ گیا جبکہ اہل خانہ غم سے نڈھال ہیں۔ شہریوں نے والدین سے اپیل کی ہے کہ بارشوں کے دوران بچوں کو گہرے پانی، جوہڑوں اور کھلے تالابوں کے قریب جانے سے روکیں تاکہ ایسے افسوسناک واقعات سے بچا جا سکے۔