دیر بالا(بیورو چیف ریاض ابوالخیل)
ڈسٹرکٹ پولیس آفیسر دیر بالا اسلم نواز نے پاک افغان بارڈر کے قریب انتہائی حساس چوکیوں/چیک پوسٹوں شلتلو اور نصرت درہ کا دورہ کرتے ہوئے جاری سرچ اینڈ سٹرائیک آپریشن کا جائزہ لیا۔ آپریشن میں دیر پولیس، دیر سکاوٹس، ایلیٹ فورس، آر آر ایف، سی ٹی ڈی، بم ڈسپوزل اسکواڈ اور مقامی عوام نے حصہ لیا، جبکہ جدید تھرمل آلات، ڈرون کیمروں اور بکتر بند گاڑیوں کے ذریعے علاقے کی مؤثر نگرانی کی گئی۔ڈی پی او دیر بالا نے جوانوں کی پیشہ ورانہ کارکردگی کو سراہتے ہوئے انہیں شاباش دی اور اس عزم کا اعادہ کیا کہ عوام کے جان و مال کے تحفظ، قیام امن اور امن دشمن عناصر کے خلاف مؤثر کارروائیاں بلا تعطل جاری رہیں گی۔بعدازاں انہوں نے علاقہ مشران سے ملاقات کرکے امن و امان کی صورتحال، باہمی تعاون اور عوام و سیکیورٹی اداروں کے درمیان روابط کے فروغ پر تبادلہ خیال کیا۔ مشران نے امن، ترقی اور خوشحالی کے لیے سیکیورٹی فورسز کے ساتھ بھرپور تعاون جاری رکھنے کے عزم کا اظہار کیا۔