ٹورانٹو:بھارتی گلوکار اور اداکار دلجیت دوسانجھ کے حوالے سے انکشاف ہوا ہے کہ انہوں نے اپنی حالیہ ریلیز ہونے والی فلم ’’ستلج‘‘ کا معاوضہ صرف ایک روپیہ (بھارتی) لیا ہے۔
ڈیلی پاکستان کی رپورٹ کے مطابق بھارتی سنسر بورڈ نے فلم کی کہانی اور مکالموں پر درجنوں کٹس لگانے کا حکم دیا، جس کی وجہ سے اس کی ریلیز میں کافی تاخیر بھی ہوئی۔فلم 3 جولائی کو ریلیز ہوئی تھی لیکن بعد مودی سرکار نے سیکیورٹی خدشات کا بہانہ بنا کر روک دیا اور اسے آن لائن پلیٹ فارم سے بھی ہٹا دیا گیا۔ فلم پر پابندی کے باجود بھارتی حکومت شہریوں کو فلم دیکھنے سے روک نہیں پارہ۔ بھارت کے بہت سے مقامات پر شہریوں نے فلم ڈاؤن لوڈ کرکے بڑے پردے پر چلا دی۔
اب فلم کے ہدایتکار ہنی تریہان نے انکشاف کیا ہےکہ دلجیت دوسانجھ نے ’’ستلج‘‘ کے لیے صرف ایک روپیہ معاوضہ لیا۔ اگر دلجیت اس فلم کا حصہ نہ ہوتے تو شاید یہ فلم کبھی بن ہی نہ پاتی۔
معاوضے کی بات پر دلجیت دوسانجھ کا کہنا تھا کہ ’’جسونت سنگھ خالڑا کا کردار ادا کرنےکےلیے معاوضہ لینا شرم کی بات ہوگی، اگر معاہدے کی رسمی کارروائی کے لیے ادائیگی ضروری ہے تو صرف ایک روپیہ دے دیا جائے۔‘‘
