سیالکوٹ (سلیم احمد اعوان شیخو)
پنجاب بھر کی ضلعی عدالتوں کیلئے ازسر نو انسپکشن ججز مقرر کر دئیے گئے ہیں۔بتایا گیا ہے کہ لاہور ہائی کورٹ کی چیف جسٹس عالیہ نیلم کی منظوری کے بعد پنجاب بھرکی ضلعی عدلیہ کے لئے ہائی کورٹ کے ججز کو ازسر نو انسپکشن ججز مقرر کر دیا گیا۔جسٹس مسعود عابد نقوی کی ریٹائرمنٹ کے بعد مختلف اضلاع کی نگرانی اور عدالتی امور کی دیکھ بھال کےلیے نئی ذمہ دار یاں تضویض کی گئی ہیں۔نوٹیفکیشن کے مطابق چیف جسٹس محتر مہ عالیہ نیلم لاہورسمیت صوبہ بھر کی ضلعی عدالتوں کی مجموعی نگرانی کر یں گی۔جسٹس عابد عزیز شیخ راولپنڈی،جسٹس سید شیباز علی رضوی گوجرانوالہ،جسٹس سلطان تنویراحمد سیالکوٹ کی ضلعی عدالتوں کے انسپکشن ججزہوں گے۔جسٹس رسال حسن سید نارووال،جسٹس علی ضیاء باجوہ گجرات،جسٹس صداقت علی خان سرگودھا،جسٹس فیصل زمان خان ملتان، جسٹس مرزاوقاص رؤف ساہیوال اور جسٹس چوہدری محمد اقبال فیصل آباد کی ضلحی عدالتوں کے انسپکشن ججرہوں گے۔جسٹس شہرام سرور چوہدری بہاولپور،جسٹس محمد ساجد محمود سیٹھی بہاولنگر،جسٹس طارق سلیم شیخ ٹوبہ ٹیک سنگھ،جسٹس جوادحسن اٹک اورجسٹس مزمل اختر شبیر جھنگ کی ضلحی عدالتوں کی نگرانی کریں گے۔جسٹس فاروق حیدر کو جہلم اورقصور،جسٹس محمد وحید خان کو ننکا نہ صاحب،جسٹس عاصم حفیظ کوشیخوپورہ کی ضلحی عدالتوں کا انسپکشن جج مقرر کیا گیا ہے۔جسٹس صادق محمود خرم کو رحیم یارخان،جسٹس محمد طارق ندیم کولودھراں،جسٹس محمد امجد رفیق کو راجن پور،جسٹس راحیل کامران چنیوٹ،جسٹس خالد اسحاق وہاڑی،جسٹس ملک محمد اویس خالد پاکپتن اورجسٹس عبہرگل خان میانوالی کی ضلحی عدالتوں کے انسپکشن ججز کی ذمہ داریاں انجام دیں گے۔