انورزیب خان پشاور۔۔
نو تعینات ضلعی پولیس سربراہ سونیا شمروز خان کی نوشہرہ آمد ۔ضلعی پولیس سربراہ سونیا شمروز خان نے پولیس لائنز میں قائم یادگارِ شہداء پر حاضری دی، پھولوں کی چادر چڑھائی اور شہداء کے بلند درجات کے لیے فاتحہ خوانی کی۔ اس موقع پر انہوں نے وزٹرز بک میں اپنے تاثرات بھی قلمبند کیے۔بعد ازاں ضلعی پولیس سربراہ نے نیو ڈی پی او کمپلیکس کے کانفرنس ہال میں ضلع بھر کے افسران کے ساتھ ایک تعارفی میٹنگ کی صدارت کی۔
میٹنگ سے خطاب کرتے ہوئے ڈی پی او سونیا شمروز خان نے کہا: آپ سب نے اپنی محنت اور فرض شناسی سے اس محکمے کا نام روشن کرنا ہے۔ میں توقع کرتی ہوں کہ آپ اپنے پیشہ ورانہ کردار سے نہ صرف محکمے کے لیے باعثِ عزت بنیں گے بلکہ عوام کا اعتماد بھی بحال کریں گے۔ خواتین، بزرگ شہریوں اور بچوں کو درپیش مسائل کو ترجیحی بنیادوں پر حل کرنا ہماری اولین ترجیح ہوگی۔ قانون کی عملداری، میرٹ اور شہریوں کے ساتھ خوش اخلاقی ہمارا نصب العین ہے۔”