رپورٹ مجیب کھوسو
جیکب آباد تھانہ سٹی کی حدود قائم الدین اسٹریٹ میں 17 سالہ ہندو نوجوان کپل کمار ولد سنتوش کمار گولی لگنے سے زخمی ہوگیا، جسے تشویشناک حالت میں ابتدائی طبی امداد کے بعد سکھر منتقل کردیا گیا۔ورثاء کے مطابق کپل کمار گھر کے اندر سریا لگنے کے باعث زخمی ہوا ہے، تاہم علاقے میں یہ چہ مگوئیاں بھی کی جا رہی ہیں کہ نوجوان نے مبینہ طور پر خود کو گولی مارکر خود کشی کرنے کی کوشش کی ہے۔واقعے کی اصل وجوہات تاحال سامنے نہیں آسکی ہیں اور مختلف دعوے کیے جا رہے ہیں۔ پولیس اور متعلقہ اداروں کی جانب سے واقعے کی تحقیقات جاری ہیں۔واضح رہے کہ خودکشی یا کسی بھی دوسرے سبب سے متعلق دعوؤں کی تاحال سرکاری طور پر تصدیق نہیں ہوسکی ہے، جبکہ پولیس کا کہنا ہے کہ تحقیقات مکمل ہونے کے بعد ہی واقعے کی حقیقت سامنے آسکے گی۔