شہید بینظیرآباد (نواب شاہ رپورٹ نفیس آرائیں)
وزیر داخلہ سندھ ضیاء الحسن لنجار نے محرم الحرام کے مرکزی جلوس میں شرکت کی اور شیراز چوک و اللہ والا چوک سمیت مختلف مقامات کا دورہ کرکے سیکیورٹی انتظامات، عزاداروں کو فراہم کی جانے والی سہولیات اور ٹریفک پلان کا جائزہ لیا۔
اس موقع پر وزیر داخلہ سندھ نے سیکیورٹی انتظامات پر اطمینان کا اظہار کرتے ہوئے کہا کہ محرم الحرام کے دوران امن و امان کا قیام حکومت سندھ کی اولین ترجیح ہے۔ پولیس، رینجرز اور دیگر قانون نافذ کرنے والے ادارے باہمی رابطے اور مؤثر حکمت عملی کے تحت فرائض انجام دیں۔
انہوں نے حساس مقامات کی مسلسل نگرانی، جدید ٹیکنالوجی اور انٹیلی جنس بنیادوں پر اقدامات مزید مؤثر بنانے، جبکہ جلوس کے داخلی و خارجی راستوں کی نگرانی اور ایمرجنسی رسپانس فورسز کو الرٹ رکھنے کی ہدایت کی۔
وزیر داخلہ سندھ نے کہا کہث جلوس کے اختتام تک سیکیورٹی اور ٹریفک انتظامات کی مسلسل نگرانی یقینی بنائی جائے۔