صوابی )حق نواز خان)
ہنرمند صوابی پروگرام کے تحت ضلع صوابی میں طالبات کو انٹرپشپس کی سہولت فراہم کرنے کے لیے ڈپٹی کمشنر صوابی ڈاکٹر طارق اللہ، وومن یونیورسٹی کی وائس چانسلر پروفیسر ڈاکٹر غزالہ یاسمین اور صوابی چیمبر آف کامرس اینڈ انڈسٹری کے صدر فضل رحیم جدون نے گورنمنٹ ووکیشنل اینڈ ٹیکنکل کالج گدون آمازئ انڈسٹریل اسٹیٹ میں صوابی ایوان صنعت و تجارت کے تعاون سے منعقدہ تقریب میں شرکت کی.تقریب میں گدون انڈسٹریلسٹ ایسوسی کےممبران اور قیادت کی نمایاں تعداد موجود تھی. تقریب میں 58 طالبات کو گدون انڈسٹریل اسٹیٹ میں موجود فیکٹریز اور تحصیل چھوٹا لاہور، تحصیل صوابی خاص میں مختلف کارخانوں انٹرنشپس کے مواقع فراہم کئے گئے.ان طالبات کا تعلق منیجمنٹ سائنسز، فزکس، کیمسٹری، باٹنی اور شعبہ آرٹ اینڈ ڈیزائن سے ہے. پروگرام کے دوسرے فیز میں دیگر طالبات کو بھی شامل کیا جائے گا اس طرح اس عزم کا آئیدہ کیا گیا کہ یہ پروگرام آئندہ بھی جاری رہے گا اور اس سے تمام اداروں کے طلباء کو مستفید ہونے کا بھرپور موقع دیا جائے گا.تقریب سے وائس چانسلر وومن یونیورسٹی ، ڈپٹی کمشنر صوابی، صدر صوابی چیمبر اور گدون انڈسٹریلسٹ ایسوسی ایشن کے سینئر نائب صدر نے خطاب کیا اور منتخب طالبات کی حوصلہ افزائی کی.