فلم کاک ٹیل ٹو میں اداکاری کے جوہر دکھانے والے شاہد کپور، کرتی سینن اور رشمیکا مندانا کی فلم کو ریلیز ہونےمیں اب 24 گھنٹے سے بھی کم وقت باقی رہ گیا ہے۔ یہ فلم 19 جون کو ریلیزہوگی۔ فلم کے پروڈیوسرز اور تمام مرکزی فن کار مسلسل اس کی تشہیر میں مصروف ہیں۔.
اس رومانوی کامیڈی فلم نے اپنی ریلیز سے قبل ہی باکس آفس پر شاندار رفتارپکڑلی ہے۔ اگرچہ ابتدائی دنوں میں ٹکٹوں کی فروخت کی رفتار کچھ سست رہی لیکن جیسے جیسے ریلیز کی تاریخ قریب آرہی ہے ، فلم نے رفتار پکڑ لی ہے۔ ایڈوانس بکنگ میں نمایاں اضافے کو دیکھ کر فلم ساز بھی خاصے خوش نظر آ رہے ہیں۔
ٹریڈ ٹریکر سیکنلک کی رپورٹ کے مطابق، کاک ٹیل 2 نے اوپننگ ڈے کے لیے 57 ہزار سے زائد ٹکٹ فروخت کر لیے ہیں۔ بلاک سیٹس کو شامل کیے بغیر فلم کی ایڈوانس بکنگ سے تقریباً 1.97 کروڑ روپے کی آمدنی حاصل ہوئی ہے، جبکہ بلاک سیٹس کو شامل کرنے کے بعد یہ رقم بڑھ کر تقریباً 3.67 کروڑ روپے تک پہنچ جاتی ہے۔
ریلیز سے قبل ابھی ایک دن باقی ہے، اس لیے توقع کی جا رہی ہے کہ فلم کی ایڈوانس بکنگ میں مزید اضافہ دیکھنے کو مل سکتا ہے۔ فلم کی ایڈوانس بکنگ گزشتہ اتوار سے شروع ہوئی تھی۔ ابتدا میں ناظرین کا ردعمل کچھ خاص نہیں تھا اور فلم ساز بھی اس صورتحال کو دیکھ کر حیران تھے لیکن جیسے جیسے ریلیز کا دن قریب آیا، ٹکٹوں کی فروخت میں تیزی آتی گئی۔