نواب شاہ (رپورٹ: نفیس آرائیں)
ایس ایس پی شہید بینظیر آباد سمیر نور چنہ کی ہدایات پر منشیات فروشوں کے خلاف جاری کریک ڈاؤن کے دوران کھڈہر پولیس نے کارروائی کرتے ہوئے بدنام زمانہ منشیات فروش کو گرفتار کرلیا۔پولیس کے مطابق ایس ایچ او تھانہ کھڈہر نے خفیہ اطلاع پر ناکہ بندی کے دوران کارروائی کرکے ملزم خمیسو عرف شوکت مگسی کو گرفتار کیا۔ ملزم کے قبضے سے ایک آلٹو کار، بھاری مقدار میں ممنوعہ گٹکا زیڈ-21، ایک لاکھ روپے نقدی اور ناجائز اسلحہ برآمد کیا گیا۔پولیس نے ملزم کے خلاف سندھ گٹکا ایکٹ اور سندھ آرمز ایکٹ کے تحت تھانہ کھڈہر میں مقدمات درج کرلیے ہیں۔ پولیس کے مطابق گرفتار ملزم اس سے قبل بھی منشیات سپلائی کے مقدمات میں گرفتار ہوچکا ہے۔