میاں چنوں:بینقاب نیوز رپورٹر عاصم کمال
نواحی علاقے مسلم ٹاؤن کے رہائشیوں نے صاف ستھرا پنجاب کے ڈمپنگ پوائنٹ اور انتظامیہ کے خلاف احتجاج کرتے ہوئے شدید نعرے بازی کی۔
مظاہرین کا کہنا تھا کہ صاف ستھرا پنجاب کا عملہ کوڑا کرکٹ کھلے عام ڈمپنگ پوائنٹ پر پھینک کر چلا جاتا ہے جبکہ اسے مٹی یا کور سے نہیں ڈھانپا جاتا، جس کے باعث آندھی اور تیز ہواؤں کے دوران کوڑا کرکٹ اڑ کر گھروں میں داخل ہو جاتا ہے۔اہل علاقہ کے مطابق ڈمپنگ پوائنٹ سے اٹھنے والی بدبو اور تعفن نے زندگی اجیرن بنا دی ہے، جبکہ گندگی کے باعث بچے، بزرگ اور خواتین مختلف بیماریوں کا شکار ہو رہے ہیں۔مظاہرین نے یہ بھی الزام عائد کیا کہ کوڑا اٹھانے والے ڈمپرز کم عمر ڈرائیوروں کے حوالے کیے گئے ہیں، جو شہریوں کی جان و مال کے لیے خطرہ بن سکتے ہیں، تاہم متعلقہ انتظامیہ اس معاملے پر خاموش تماشائی بنی ہوئی ہےشہریوں نے ضلعی انتظامیہ اور متعلقہ حکام سے فوری نوٹس لینے، ڈمپنگ پوائنٹ کو محفوظ بنانے اور عوامی صحت کو درپیش خطرات کا خاتمہ کرنے کا مطالبہ کیا ہے۔