سکھر ( رپورٹ/عبد الرحمان راجپوت )
محرم الحرام کے حوالے سے ایس ایس پی سکھر اظہر خان کی جانب سے اہلِ تشیع کے رہنماؤں کے ساتھ میٹنگ کا انعقاد کیا گیامحرم الحرام کے ایام میں امن وامان کے سلسلے میں جامع حکمت عملی تشکیل دینے کی غرض سے کانفرنس ھال ایس ایس پی آفیس سکھر میں اجلاس منعقد کیا گیا جس میں جماعت اہل تشیعہ کے رہنماؤں، مجالس و جلوسوں کے پرمٹ ہولڈرز اور منتظمین نے شرکت کی۔میٹنگ میں اے ایس پی سٹی کیپٹن (ر) محمد صہیب امین، ڈی آئی بی انچارج اور دیگر افسران موجود تھے۔میٹنگ کا آغاز تلاوتِ کلامِ پاک سے کیا گیا بعد ازاں محرم الحرام کے دوران منعقد ہونے والی مجالس اور جلوسوں کی سیکیورٹی و دیگر مسائل پر تبادلہ خیال کیا گیا اجلاس میں مجالس و جلوسوں کے مجموعی سیکیورٹی انتظامات سمیت ممکنہ خطرات پر تفصیلی گفتگو کی گئی