سیالکوٹ (سلیم احمد اعوان شیخو)
ڈپٹی کمشنر سیالکوٹ صبا اصغر علی نے خیابان اقبال پارک کینٹ کا دورہ کیا اور پارک کی ری ویمپنگ، بحالی، تزئین و آرائش، اپ گریڈیشن اور شہریوں کیلئے تفریحی سہولیات کی بہتری کے مجوزہ منصوبوں کا تفصیلی جائزہ لیا۔اس موقع پر ایڈمنسٹریٹر میونسپل کارپوریشن نعیم بشیر، ڈائریکٹر پارکس اینڈ ہارٹیکلچر اتھارٹی (پی ایچ اے) محبوب الٰہی اور ہیلپنگ ہینڈز آرگنائزیشن کے مقامی حکام بھی موجود تھے۔ متعلقہ افسران نے ڈپٹی کمشنر کو پارک میں مجوزہ ترقیاتی کاموں، گرین ایریاز کی بحالی، واکنگ ٹریکس، لینڈ اسکیپنگ، بچوں کیلئے تفریحی سہولیات، شجرکاری اور دیگر عوامی سہولتوں کی فراہمی کے حوالے سے بریفنگ دی ڈپٹی کمشنر صبا اصغر علی نے پارک کے مختلف حصوں کا معائنہ کرتے ہوئے ہدایت کی کہ خیابان اقبال پارک کو جدید خطوط پر استوار کیا جائے۔