بغیر منظور شدہ نقشہ جات اور غیر قانونی تعمیرات کے خلاف بھرپور کریک ڈاؤن

سیالکوٹ (سلیم احمد اعوان شیخو) ڈپٹی کمشنر سیالکوٹ صبا اصغر علی اور ایڈمنسٹریٹر میونسپل کارپوریشن نعیم بشیر کی ہدایت پر چیف آفیسر میونسپل کارپوریشن سیالکوٹ زبیر وٹو نے سرکلر روڈ سمیت مختلف علاقوں میں بغیر منظور شدہ نقشہ جات اور غیر قانونی تعمیرات کے خلاف بھرپور کریک ڈاؤن کیا۔ کارروائی کے دوران متعدد غیر قانونی تعمیرات کو مسمار کر دیا گیا جبکہ قواعد و ضوابط کی خلاف ورزی کرنے والی کئی دکانوں کو سربمہر بھی کر دیا گیا۔
چیف آفیسر زبیر وٹو نے موقع پر تعمیراتی سرگرمیوں کا جائزہ لیتے ہوئے متعلقہ عملے کو ہدایت کی کہ شہر بھر میں غیر قانونی تعمیرات کے خلاف بلاامتیاز کارروائیاں جاری رکھی جائیں اور کسی بھی شخص کو سرکاری قوانین کی خلاف ورزی کی اجازت نہ دی جائے۔ انہوں نے کہا کہ شہریوں کے جان و مال کے تحفظ، شہری منصوبہ بندی کے تقاضوں اور شہر کی خوبصورتی کو برقرار رکھنے کے لیے تعمیرات کا منظور شدہ نقشہ کے مطابق ہونا ناگزیر ہے۔