ٹنڈوالہیار رپورٹ تیمور رضا قائم خانی
ٹنڈوالہیار: سندھ بھر کی طرح ضلع ٹنڈو الہیار میں بھی گریڈ 1 تا 4 کی سرکاری آسامیوں کے لیے انٹرویوز کا سلسلہ گزشتہ روز سے باقاعدہ طور پر جاری ہے، جہاں مختلف محکموں کے امیدواروں کے انٹرویوز مرحلہ وار لیے جا رہے ہیں۔انٹرویو سینٹرز پر انتظامیہ کی جانب سے امیدواروں کی سہولت کے لیے مؤثر اور منظم انتظامات کیے گئے ہیں۔ امیدواروں کی بڑی تعداد کے باوجود پورے عمل کو بہتر انداز میں چلانے کے لیے اضافی کاؤنٹرز قائم کیے گئے ہیں جبکہ رش کو کنٹرول کرنے کے لیے عملے کی تعداد میں بھی اضافہ کیا گیا ہے۔انتظامی ذرائع کے مطابق انٹرویو سینٹرز پر پانی، بیٹھنے کی مناسب جگہ، رہنمائی کاؤنٹرز اور دیگر بنیادی سہولیات کی فراہمی کو یقینی بنایا گیا ہے تاکہ امیدواروں کو کسی قسم کی دشواری کا سامنا نہ کرنا پڑے۔ ابتدائی دنوں میں رش اور دباؤ کی صورتحال کے باوجود اب انتظامات کو مزید بہتر بنا دیا گیا ہے اور پورا عمل منظم انداز میں جاری ہے۔اس موقع پر متعلقہ افسران نے انٹرویو سینٹرز کا دورہ بھی کیا اور انتظامات کا تفصیلی جائزہ لیا۔ دورے میں سیکشن آفیسر مزمل حسین، ڈسٹرکٹ ایجوکیشن آفیسر سر رفیق احمد جتوئی، ڈپٹی ڈی ای او (ایڈمن) سمینہ یاسمین، ڈپٹی ڈی ای او اے۔ عبدالغفور پتافی، اسسٹنٹ ایجوکیشن آفیسر سر نور محمد اور اسسٹنٹ اصغر اوٹھو موجود تھے۔دورے کے دوران افسران نے میڈیا سے گفتگو کرتے ہوئے کہا کہ انٹرویو کے پورے عمل کو مکمل طور پر میرٹ، شفافیت اور منصفانہ اصولوں کے مطابق جاری رکھا گیا ہے