سیالکوٹ (سلیم احمد اعوان شیخو)
سیالکوٹ کی تحصیل ڈسکہ کے علاقہ کوٹ گھمن میں ٹریفک حادثہ میں ٹریکٹر ٹرالی کے اچانک ایک موٹر سائیکل سے ٹکرانے کے باعث موٹر سائیکل سوار 13 سالہ مزمل حسین ولد محمد شفیق ٹرالی کے پچھلے ٹائر کے نیچے آ گیا جس سے اس کا سر کچل گیا اور وہ موقع پر ہی جاں بحق ہو گیا۔اطلاع ملتے ہی ریسکیو 1122 کی ٹیم فوری طور پر موقع پر پہنچ گئی اور ٹیم نے ضروری کارروائی کے بعد لاش کو تحصیل ہیڈ کوارٹر ہسپتال ڈسکہ پوسٹ مارٹم کے لئے منتقل کر دیا۔معلوم ہوا ہے کہ ٹریکٹر ٹرالی ڈرائیور موقع سے فرار ہو گیا۔