مورو (رپورٹ محمد اسلم مغل)
قائد مزدور عبدالطیف نظامانی اور فخر مزدور نثار احمد شیخ کی کال پر مورو سیپکو آفس میں واپڈا اور بجلی کے اداروں کی مجوزہ نجکاری کے خلاف بھرپور احتجاجی مظاہرہ کیا گیا، احتجاج میں سیپکو ملازمین، مزدوروں اور یونین رہنماؤں کی بڑی تعداد نے شرکت کی اور نجکاری کے فیصلے کے خلاف فلک شگاف نعرے بازی کی، احتجاجی مظاہرے کی قیادت ہائیڈرو یونین کے چیئرمین شاہنواز ملاح، ڈویزنل سیکریٹری عبدالحمید گھانگھرو اور زونل سیکریٹری امتیاز ملاح نے کی اس موقع پر مقررین نے خطاب کرتے ہوئے کہا کہ واپڈا اور بجلی کے اداروں کی نجکاری ملازمین اور عوام دونوں کے مفادات کے خلاف ہے۔، مظاہرین نے ہاتھوں میں بڑے بینرز اور پلے کارڈز اٹھا رکھے تھے جن پر نجکاری مخالف نعرے درج تھے، احتجاج کے دوران سیپکو آفس مورو سے ایک ریلی بھی نکالی گئی جو شہر کے مختلف راستوں سے گزرتی ہوئی پریس کلب مورو پہنچی، جہاں شرکاء نے نجکاری کے خلاف اپنا احتجاج ریکارڈ کروایا، یونین رہنماؤں کا کہنا تھا کہ حکومت اگر واپڈا اور بجلی کے اداروں کی نجکاری کے فیصلے سے دستبردار نہ ہوئی تو احتجاج کا دائرہ مزید وسیع کیا جائے گا