شیخوپورہ(رپورٹ اسامہ طفیل)
ضلع شیخوپورہ کے معروف سونے کے تاجر حاجی محمد اشرف کے صاحبزادے رانا محمد عاصم، ان کی اہلیہ اور دیگر عزیز و اقارب کی حج بیت اللہ کی سعادت حاصل کرنے کے بعد وطن واپسی پر ان کے گھر آمد کے موقع پر سینئر صحافیوں اور معززین نے ان کا والہانہ استقبال کیا۔اس موقع پر سینئر صحافی شیخ سفیان علی، محمد طاہر خان، سابق سیکرٹری اطلاعات پریس کلب شیخوپورہ حکیم محمود بیگ ،سنئیر صحافی اسامہ طفیل، نجی چینل کے کیمرہ مین رانا احتشام اشرف سمیت دیگر شخصیات نے گلدستے پیش کیے اور حج کی سعادت حاصل کرنے پر مبارکباد دی۔ملاقات کے دوران مکہ مکرمہ اور مدینہ منورہ کے روح پرور ماحول، عبادات اور حج کے یادگار لمحات پر تفصیلی گفتگو ہوئی۔ اس موقع پر حاجی رانا محمد عاصم زرگر نے اپنے تاثرات کا اظہار کرتے ہوئے کہا کہ مکہ مکرمہ اور مدینہ منورہ کے سفر کے لمحات زندگی بھر فراموش نہیں کیے جا سکتے۔ ان کا کہنا تھا کہ جسم تو پاکستان واپس آ گیا ہے، مگر روح آج بھی مکہ و مدینہ کی فضاؤں میں بسی ہوئی ہے۔صحافیوں کے وفد نے کھجوروں، آبِ زم زم اور دیگر تبرکات کی تواضع پر اہل خانہ کا شکریہ ادا کیا۔