نواب شاہ (رپورٹ: نفیس آرائیں
دوڑ کے قریب مہران ہائی وے پر واقع اتحاد کاٹن فیکٹری سے چوکیدار علی حسن بالادی کی گولی لگی لاش برآمد ہونے کے بعد علاقے میں تشویش کی لہر دوڑ گئی۔اطلاعات کے مطابق گاؤں لطیف آباد کے رہائشی علی حسن بالادی فیکٹری میں بطور چوکیدار خدمات انجام دے رہے تھے۔ فیکٹری انتظامیہ نے واقعے کی اطلاع ورثا کو دی، جس پر اہلِ خانہ فوری طور پر فیکٹری پہنچے اور لاش کو تحویل میں لے کر تعلقہ اسپتال دوڑ منتقل کیا۔ورثا کے مطابق متوفی معمول کے مطابق ڈیوٹی پر موجود تھا، تاہم انہیں فیکٹری انتظامیہ کی جانب سے گولی لگنے کی اطلاع دی گئی۔ دوسری جانب دوڑ پولیس کے مطابق تحقیقات مکمل ہونے کے بعد حقائق منظرِ عام پر لائے جائیں گے۔