پاکستان کشیدگی کم کرنے،جنگ بندی برقراررکھنےکی کوشش جاری رکھے، ایرانی وزیرخارجہ عباس عراقچی کااسحاق ڈار کوفون

تہران :ایران کے وزیرِ خارجہ عباس عراقچی نے پاکستان کے نائب وزیرِ اعظم اور وزیرِ خارجہ اسحاق ڈار سے فون پر گفتگو کرتے ہوئے لبنان میں اسرائیل کی طرف سے کی جانے والی ’جنگ بندی کی خلاف ورزی‘ پر شدید تحفظات کا اظہار کیا ہے۔
پاکستان کی وزارتِ خارجہ کے مطابق گفتگو کے دوران ایرانی وزیرِ خارجہ نے خطے میں سفارتکاری کے ’تعمیری کردار‘ کو سراہا اور گزارش کی کہ اسلام آباد ’موجودہ صورتحال میں کشیدگی کم کرنے میں مدد جاری رکھے اور جنگ بندی برقرار رکھنے کی کوششوں کی حمایت کرتا رہے۔‘
بیان کے مطابق گفتگو کے دوران پاکستانی نائب وزیرِ اعظم اور وزیرِ خارجہ اسحاق ڈار نے اس بات پر زور دیا کہ موجودہ مفاہمت کو برقرار رکھنے کے لیے جنگ بندی کا تسلسل ضروری ہے۔
پاکستانی وزارتِ خارجہ کے مطابق دونوں رہنماؤں نے قریبی رابطے میں رہنے پر اتفاق کیا۔