میرپورخاص (رپورٹ / قیصر راجہ راجپوت ) ڈپٹی ڈائریکٹر ترقی نسواں میرپورخاص ڈویزن طارق وحید بلوچ کے مطابق
صوبائی وزیر برائے وومن ڈیولپمنٹ ڈپارٹمنٹ سندھ شاھینا شیر علی نے سوشل میڈیا پر چلنے والی اس خبر کا سخت نوٹس لیا ہے جس میں تحصیل سندھڑی، تھانہ دلبر مہر کی حدود سے مڱڻهار برادری کی ایک 18 سالہ لڑکی اور دو کم عمر بچیوں کے اغواء کا انکشاف ہوا ہے جس پر صوبائی وزیر نے متعلقہ حکام کو ہدایت کی ہے کہ ملزمان کے خلاف سخت قانونی کارروائی عمل میں لائی جائے اور مغوی بچیوں کی جلد اور محفوظ بازیابی یقینی بنائی جائے اطلاعات کے مطابق مری قبیلے سے تعلق رکھنے والے دس سے زائد افراد اس واقعہ میں ملوث ہیں واقعہ کا مقدمہ درج کر لیا گیا ہے جبکہ دو مرکزی ملزمان کو گرفتار بھی کر لیا گیا ہے۔ صوبائی وزیر شاھینہ شیر علی کی خصوصی ہدایات پر ڈپٹی ڈائریکٹر وومن ڈیولپمنٹ ڈپارٹمنٹ میرپورخاص، طارق وحید بلوچ کی جانب سے پولیس حکام اور مغوی لڑکیوں کے ورثاء سے مسلسل رابطے میں ہیں تاکہ متاثرہ خاندان کو ہر ممکن معاونت اور قانونی مدد فراہم کی جا سکے۔