سکھر ( رپورٹ/عبد الرحمان راجپوت ) سکھرایس ایس پی اظہر خان مغل کی ہدایت پر پولیس متحرک، گشت کئی گنا بڑھا دیا گیا
سکھر میں ایس ایس پی اظہر خان مغل کی خصوصی ہدایت اور اے ایس پی شعیب امین کی سربراہی میں ڈاکوؤں، رہزنوں اور جرائم پیشہ عناصر کے خلاف کارروائیاں مزید تیز کردی گئی ہیں۔
پولیس کے مطابق شہر بھر میں گشت کئی گنا بڑھا دیا گیا ہے، جبکہ ایگل فورس 15 کے انچارج عین الحق اپنی ٹیم کے ہمراہ رات دن متحرک ہیں۔
پولیس حکام کا کہنا ہے کہ سکھر میں امن و امان برقرار رکھنے، چوری، ڈکیتی اور منشیات کے خاتمے کے لیے مؤثر حکمت عملی کے تحت آپریشن جاری ہے۔
شہریوں نے پولیس کی بڑھتی ہوئی کارروائیوں کو خوش آئند قرار دیتے ہوئے جرائم پیشہ عناصر کے خلاف سخت اقدامات کا مطالبہ بھی کیا ہے۔
