اسلام آباد (حاجی شفیق)
اسلام آباد میں طلاقوں کی بڑھتی شرح ایک لمحہ فکریہ
وفاقی دارالحکومت اسلام آباد سے سامنے آنے والے حالیہ اعداد و شمار انتہائی تشویشناک ہیں، جو ہمارے خاندانی اور معاشرتی ڈھانچے کے بکھرتے ہوئے شیرازے کی نشاندہی کر رہے ہیں۔ رپورٹ کے مطابق، شہر میں طلاق کے معاملات میں غیر معمولی اور ڈراؤنا اضافہ دیکھنے میں آ رہا ہے۔
ہلا دینے والے اعداد و شمار:
ہر گھنٹے کی صورتحال اسلام آباد میں ہر ایک گھنٹے کے دوران اوسطاً 38 طلاقیں رجسٹر ہو رہی ہیں۔
ماہانہ اور روزانہ کی بنیاد: وفاقی دارالحکومت میں ہر ماہ 9,000 نئے کیسز سامنے آ رہے ہیں، جبکہ فیملی کورٹس میں روزانہ 300 سے زائد درخواستیں جمع کرائی جا رہی ہیں۔
سالانہ اضافہ: عدالتی ذرائع کے مطابق، سال 2023 میں طلاق کے 85,000 مقدمات دائر ہوئے، جو 2024 میں بڑھ کر 91,000 ہوئے اور 2025 میں یہ تعداد ایک لاکھ تک جا پہنچی۔
دوسری طرف، شہر میں روزانہ 30 سے زائد کورٹ میرجز بھی ریکارڈ کی جا رہی ہیں۔ سب سے حیران کن بات یہ ہے کہ گزشتہ چار سالوں میں 38 کیسز ایسے بھی رپورٹ ہوئے جہاں شادی کے محض ایک سے تین ماہ کے اندر ہی طلاق کی درخواست دائر کر دی گئی۔
سماجی ماہرین اس تیزی سے بڑھتے ہوئے رجحان کو ہمارے معاشرے کے لیے ایک بہت بڑا چیلنج قرار دے رہے ہیں۔