سکھر ( رپورٹ / عبد الرحمان راجپوت ) سیپکو پاور ڈویژن (واپڈا) کے بورڈ آف ڈائریکٹرز کا پہلا اہم اجلاس چیئرمین غلام مصطفیٰ لغاری کی زیر صدارت منعقد ہوا، جس میں بورڈ کے رکن سنان اسلام شیخ، دیگر اراکین اور سیپکو افسران نے شرکت کی۔اجلاس میں ادارے کی مجموعی کارکردگی، بجلی کی فراہمی کے نظام کو بہتر بنانے اور عوام کو معیاری سہولیات فراہم کرنے سے متعلق امور پر تفصیلی غور کیا گیا۔ شرکاء نے شفافیت، مؤثر حکمت عملی اور عوام دوست پالیسیوں کے ذریعے ادارے کو مزید مضبوط بنانے کے عزم کا اظہار کیا۔اس موقع پر سی ای او سیپکو انجینئر اعجاز احمد چنہ اور دیگر افسران نے سنان اسلام شیخ کو بورڈ آف ڈائریکٹرز کا رکن منتخب ہونے پر مبارکباد دی۔ سنان اسلام شیخ نے اظہارِ تشکر کرتے ہوئے کہا کہ وہ اعتماد پر پورا اترنے کے لیے اپنی بھرپور خدمات انجام دیں گے۔
