ڈسٹرکٹ ایڈمنسٹریشن سیالکوٹ کے زیر اہتمام تالاب شیخ مولا بخش اسٹیڈیم،  میں ڈپٹی کمشنر  "معرکۂ حق شیرِ پنجاب دنگل

سیالکوٹ (سلیم احمد اعوان شیخو) ڈسٹرکٹ ایڈمنسٹریشن سیالکوٹ کے زیر اہتمام تالاب شیخ مولا بخش اسٹیڈیم،  میں ڈپٹی کمشنر  "معرکۂ حق شیرِ پنجاب دنگل” شاندار روایتی و ثقافتی رنگوں کے ساتھ منعقد ہوا، جس نے پنجاب کی صدیوں پر محیط کشتی کی تاریخ، ثقافت اور کھیلوں کے جذبے کو ایک بار پھر زندہ کر دیا۔ فلڈ لائٹس کی روشنی میں منعقد ہونے والے اس منفرد سپورٹس ایونٹ میں صوبہ بھر سے 26 نامور پہلوانوں نے شرکت کی اور دلچسپ، سنسنی خیز اور طاقت کے بھرپور مظاہرے پر مشتمل دیسی کشتی کے مقابلوں نے شائقین سے خوب داد وصول کی۔تقریب کا آغاز شاندار آتش بازی سے ہوا جس سے پورا اسٹیڈیم جگمگا اٹھا، جبکہ روایتی گھوڑوں کے ڈانس اور خوبصورت بھنگڑا پرفارمنس نے حاضرین کے جوش و خروش کو دوبالا کر دیا۔ پنجاب کی ثقافت، روایات اور کھیلوں کا حسین امتزاج دیکھنے کیلئے شہریوں کی بڑی تعداد اسٹیڈیم میں موجود رہی اور ہر مقابلے پر پہلوانوں کی بھرپور حوصلہ افزائی کرتی رہی۔صوبائی وزیر محنت و افرادی قوت محمد منشاء اللہ بٹ اور رکن صوبائی اسمبلی چودھری فیصل اکرام نے بطور مہمانانِ خصوصی شرکت کی۔