شیخوپورہ ( اسامہ طفیل سے ) برصغیر پاک و ہند کے معروف روحانی پیشوا حضرت پیر سید بہار شاہؒ کے 107 ویں سالانہ عرس مبارک کی 3 روزہ تقریبات کا عقیدت و احترام کے ساتھ آغاز کر دیا گیا ہے۔۔ عرس کی افتتاحی تقریبات میں ملک بھر سے زائرین اور مریدین کی بڑی تعداد شرکت کر رہی ہے۔اس موقع پر پاکستان سنی تحریک کے ضلعی صدر محمد وسیم نقشبندی اور صدر علماء بورڈ مفتی شہباز علی سیال کی قیاد ت میں وفد کے ہمراہ دربار عالیہ پر حاضری دی۔ انہوں نے مزارِ اقدس پر ملکی سلامتی، خوشحالی اور امت مسلمہ کے اتحاد کے لیے خصوصی دعا کی۔ وفدمیں حاجی اشرف الہی ٰ، عامر نصیر راجپوت, , اور عثمان ندیم ، سیمت دیگر رہنما بھی شامل تھے۔ میڈیا سے گفتگو کرتے ہوئے محمد وسیم نقشبندی نے کہا کہ عرس کے دوران مختلف نشستوں کا اہتمام کیا جائے گا، جن میں علماء کرام اور مشائخ عظام حضرت پیر سید بہار شاہؒ کی دینی و ملی خدمات پر روشنی ڈالیں گے۔ زائرین کے لیے لنگر کا وسیع انتظام کیا جائے گا، جبکہ ڈسٹرکٹ پولیس کی طرف سے سیکیورٹی کے بھی سخت انتظامات عمل میں لائے گئے ہیں۔