ٹرانسپورٹرز اور اڈا مالکان کا ٹریفک وارڈن کی مبینہ ہراسانی کے خلاف شدید تحفظات کا اظہار

 پسرورمحمد اشفاق
پسرور میں بھاری جرمانوں سے پریشان ٹرانسپورٹرز اور اڈا مالکان نے ٹریفک وارڈن کی مبینہ ہراسانی کے خلاف شدید تحفظات کا اظہار کرتے ہوئے ڈی پی او سیالکوٹ کو درخواست دے دی درخواست میں مؤقف اختیار کیا گیا ہے کہ
پسرور میں تعینات ٹریفک وارڈن حوالدار موسیٰ مبینہ طور پر گاڑیوں کو روک کر ڈرائیورز اور عملے کو اڈا مالکان کے خلاف بیانات دینے پر مجبور کرتے ہیں درخواست گزار کے مطابق جو ڈرائیور بیان دینے پر آمادہ ہو جاتے ہیں انہیں چالان میں رعایت دی جاتی ہے جبکہ انکار کرنے والوں پر بھاری جرمانے عائد کیے جاتے ہیں یا ان کے ڈرائیونگ لائسنس تحویل میں لے لیے جاتے ہیں متاثرہ ٹرانسپورٹرز اور اڈا مالکان کا کہنا ہے کہ ٹرانسپورٹ کا کاروبار پہلے ہی شدید مالی مشکلات اور خسارے کا شکار ہے، جبکہ اس مبینہ رویے کے باعث انہیں ذہنی دباؤ اور اضافی مسائل کا سامنا کرنا پڑ رہا ہے
درخواست میں ڈی پی او سیالکوٹ سے مطالبہ کیا گیا ہے کہ معاملے کا فوری نوٹس لیتے ہوئے شفاف اور غیر جانبدارانہ تحقیقات کرائی جائیں تاکہ ٹرانسپورٹرز کو درپیش مسائل کا ازالہ ہو سکے۔