سیالکوٹ (سلیم احمد اعوان شیخو) وزیر اعلی پنجاب مریم نواز شریف کی ہدایت پر ڈسٹرکٹ جیل سیالکوٹ میں رسمی و غیر رسمی لٹریسی سنٹرز کا افتتاح کر دیا گیا ہے۔ افتتاح ممبر صوبائی اسمبلی پنجاب و پارلیمانی سیکرٹری برائے امور نوید اشرف نے ڈسٹرکٹ ایجوکیشن آفیسر (لٹریسی) آصفہ یاسر کے ہمراہ کیا۔ ان سنٹرز کا مقصد قیدیوں کو رسمی تعلیم اور ہنر حاصل کرنے کے مواقع فراہم کرنا ہے۔ اس موقع پر سپرنٹنڈنٹ جیل کاشف رسول بھی موجود تھے۔
افتتاحی تقریب سے خطاب کرتے ہوئے نوید اشرف نے کہا کہ
لرننگ سینٹرز کا مقصد قیدیوں کو بنیادی تعلیم، ہنر مند تربیت فراہم کرنا ہے تاکہ وہ رہائی کے بعد معاشرے کے مفید شہری بن سکیں۔ انہوں نے کہا کہ یہ سینٹرز قیدیوں کی ضروریات کے مطابق نان فارمل سکولنگ اور نان فارمل لرننگ کا مؤثر اہتمام کریں گے۔
نوید اشرف نے جیل انتظامیہ کے اقدامات کو سراہا اور کہا کہ سپرنٹنڈنٹ جیل کاشف رسول کی قیادت میں جیل انتظامیہ کی طرف سے قیدیوں کیلئے بہترین انتظامات، نظم و ضبط اور قیدیوں کی فلاح و بہبود کیلئے اقدامات کئے گے ہیں۔ انہوں نے کہا کہ وزیر اعلی مریم نواز شریف کی وثنری قیادت میں قیدیوں کی اصلاح و تعلیم پر خصوصی توجہ دی جا رہی ہے۔ جیل انتظامیہ نے ان لرننگ سینٹرز کو کامیاب بنانے اور قیدیوں کے لیے تعلیمی و پیشہ ورانہ پروگرامز کو مزید وسعت دینے کا یقین دلایا۔
