ملک عطاء الرحمن ڈسٹرکٹ خانیوال
بلوچستان میں دہشتگردوں کے ساتھ فائرنگ کے تبادلے کے دوران ضلع خانیوال کا بہادر سپوت سہیل احمد جام شہادت نوش کر گیا. شہید کی نماز جنازہ ان کے آبائی گاؤں 81/15-L میں فوجی اعزاز کے ساتھ ادا کی گئی.
نماز جنازہ میں ڈی پی او محمد عابد، پاک آرمی کے افسران، سول و پولیس حکام، اہل خانہ اور معززین علاقہ نے بڑی تعداد میں شرکت کی. وطن کیلئے شہید ہونے والے سپوت کو بھرپور خراج عقیدت پیش کیا گیا.
ڈی پی او محمد عابد نے شہید کی میت کو کندھا دیا. پاک آرمی کے چاق و چوبند دستے نے شہید کو گارڈ آف آنر پیش کیا. قومی پرچم میں لپٹے تابوت نے ہر شخص کو رنجیدہ کر دیا اور فضا “پاکستان زندہ باد” کے نعروں سے گونج اٹھی. ڈی پی او محمد عابد اور پاک فوج کے افسران نے شہید کے والد، بھائیوں اور بیٹوں سے ملاقات کی، اظہار تعزیت کیا.ڈی پی او محمد عابد اور پاک آرمی کے افسران نے شہید سپاہی سہیل احمد کی قبر پر پھولوں کی چادر چڑھائی. پوری قوم اپنے شہداء کی قربانیوں کو سلام پیش کرتی ہےڈی پی او محمد عابد .وطن عزیز کے تحفظ کیلئے شہید محمد سہیل کی لازوال قربانی ہمیشہ یاد رکھی جائے گی