وزیراعلیٰ پنجاب کا خصوصی ہیلتھ اسکریننگ کیمپس کا ضلع چنیوٹ میں آغاز

چنیوٹ (فرحان بلال چوہدری سے)وزیراعلیٰ پنجاب کا خصوصی ہیلتھ اسکریننگ کیمپس کا ضلع چنیوٹ میں آغاز ، تفصیلات کے مطابق وزیر اعلیٰ پنجاب کے زیرِ اہتمام خصوصی ہیلتھ اسکریننگ کیمپس کا باقاعدہ آغاز آج سے ضلع چنیوٹ ڈی ایچ کیو ہسپتال میں ہو چکا ہے، جس کا باقاعدہ افتتاح ڈپٹی کمشنر چنیوٹ عائشہ رضوان نے کیا ، اس موقع پر سی او ہیلتھ ڈاکٹر ثاقب منیر ، ایم ایس ڈاکٹر شوکت ندیم و دیگر بھی موجود تھے ، یہ کیمپ 14 مئی سے 16 مئی صبح 9 بجے سے سہ پہر 4 بجے تک
​ضلع چنیوٹ میں منتخب مراکزِ صحت، ڈی ایچ کیو (DHQ) ہسپتال چنیوٹ ، ٹی ایچ کیو (THQ) ہسپتال لالیاں اور بھوانہ ، ایم این ایچ (MNH) 14 چک اور احمد نگر، ایم این ایچ سی (MNHCs) ٹھٹھہ محمد شاہ، کھوائن والا، چک 126 ج-ب ،آر ایچ سی (RHC) محمدی شریف میں جاری رہے گا ، ان کیمپس میں درج ذیل طبی سہولیات بالکل مفت فراہم کی جا رہی ہیں ،میڈیکل ہسٹری: بنیادی صحت کے اعداد و شمار اور پرانی بیماریوں کا ریکارڈ۔
​کلینیکل اسکریننگ: ہیپاٹائٹس (B اور C)، ایچ آئی وی (HIV) کے ٹیسٹ سمیت آنکھوں، دانتوں اور جلد کا معائنہ۔خصوصی مشاورت: بلڈ پریشر (Hypertension) اور ذیابیطس (Diabetes) کی تشخیص۔سانس کی صحت: سینے کا معائنہ اور ٹی بی (TB) کی اسکریننگ۔ماں اور بچہ کی صحت: حاملہ خواتین کے لیے حفاظتی ٹیکے اور 15 سال سے کم عمر بچیوں کا طبی معائنہ ،نیوٹریشن ڈیسک: غذائی تشخیص اور "OTB” ڈیسک کی خدمات۔فیملی پلاننگ: خاندانی منصوبہ بندی کے حوالے سے رہنمائی اور مشاورت جبکہ معائنے کے بعد ماہر ڈاکٹرز کی جانب سے ادویات اور ضروری مشورے دیے جائیں گے ، عوام الناس اپنی اور اپنے پیاروں کی صحت کے لیے قریبی مرکزِ صحت پر تشریف لائیں اور ان معیاری سہولیات سے فائدہ اٹھائیں کیونکہ تندرستی ہزار نعمت ہے