کراچی : انمول پنکی نے 3 بھائیوں کی مدد سے نیٹ ورک قائم کیا، ملزمہ کو پانچ سال قبل پنجاب پولیس نے گرفتار کیا اور مبینہ طور پر 7 کروڑ روپے رشوت دے کر باہر آئی
ذرائع کے مطابق پنکی نے 13 برس کی عمر میں پہلی بارکوکین فروخت کی ،وکیل سے شادی ہوئی پھر طلاق کے بعد ایک پولیس اہلکار کی دلہن بنی ، تین بھائیوں کی مدد سے منشیات اسمگلنگ کاکروڑوں کا نیٹ ورک کھڑا کیا۔ پنکی نے علاقہ غیر سے کوکین میں کیمیکلز ملا کر تیز نشہ تیار کرنے کی ٹریننگ حاصل کی اور پھر مارکیٹ میں اپنا برانڈ متعارف کرایا۔ انمول مڈل پاس ہے۔ گرفتاری کے وقت پورے موبائل کوکین یونٹ سمیت گرفتار ہوئی ہے مطلب چلتی پھرتی لیب جیسے Breaking Bad میں تھی۔ یہ صرف کوکین نہیں، کیٹامائن، ایفیڈرین، میتھ اور لیٹوکین بھی بناتی تھی۔
اس کی ماہانہ آمدنی کروڑوں میں بتائی جا رہی ہے۔، اس کے تیار کردہ کوکین کے ایک گرام کی قیمت 25 ہزار جبکہ گولڈ برانڈ کی قیمت 40 ہزار تھی،ذرائع کایہ بھی کہنا ہے کہ ایلیٹ کلاس کے بچے اور شوبز شخصیات اس کی باقاعدہ گاہک ہیں