امتحان دینے آنے والے طلبہ کے لیے ہیٹ اسٹروک سے بچاؤ کے پیشِ نظر ٹھنڈے پانی اور شربت کا ریلیف کیمپ لگایا گیا

شہدادپور(رپورٹ عمران قمر )
ایم ایس او شہدادپور کی جانب سے گورنمنٹ بوائز ڈگری کالج شہدادپور میں امتحان دینے آنے والے طلبہ کے لیے ہیٹ اسٹروک سے بچاؤ کے پیشِ نظر ٹھنڈے پانی اور شربت کا ریلیف کیمپ لگایا گیا۔
کیمپ میں طلبہ کو شدید گرمی کے دوران ٹھنڈا پانی اور شربت فراہم کیا گیا۔ اس موقع پر سیاسی، سماجی اور مذہبی شخصیات نے کیمپ کا دورہ کرتے ہوئے ایم ایس او شہدادپور کے اس اقدام کو سراہا۔
ایم ایس او شہدادپور کے ناظم آصف رضا آرائیں نے کہا کہ عوامی خدمت کا یہ سلسلہ جاری رکھا جائے گا اور آنے والے دنوں میں اسپتالوں، چوک چوراہوں اور دیگر عوامی مقامات پر بھی ہیٹ اسٹروک ریلیف کیمپس لگائے جائیں گے۔